Ech heeschen Idylle an si säit 2015 en ausgebilten Assistenzhond. Ech sinn duerch d’Aktioun “E Stopp fir e Mupp” vun der “Amicale vun der Schoul fir Assistenzhonn” (ASA) finanzéiert ginn. Dës Aktioun sammelt Plastikstëpp fir Assistenzhënn ze finanzéieren. D’Sammele vu Plastikstëpp ass eng solidaresch Aktioun vu ganz ville Leit, Institutiounen, Schoulen a Geschäfter, mat der Ënnerstëtzung vu Valorlux an Hein Déchets. Et ginn iwwer 50 Sammelpunkten hei am Land, woubäi 28 Gemenge matmaachen. Bei dëser Aktioun ginn d’Plastikstëpp recycléiert an d’ Ëmwelt gëtt geschützt.