Mir, also d’4C1 an hir Enseignante, hunn am Lëtzebuergeschcours entscheet beim Projet Jeune Journaliste matzemaachen. D’4C1 aus dem LAM ass eng kleng Klass vu just 11 Schüler. Elo am Ufank vum Schouljoer sinn déi meescht Schüler nach 15 Joer. Ech, also hir Lëtzebuergeschproff, Nora Bohler, hunn de Schüler d’Thema vum Cours genannt an de Schüler de Choix gelooss, wéi se wéilten un dëst erugoen. D’Schüler konnte wielen, op se eleng oder am Grupp wéilte schaffen an op se e Video wéilte maachen oder en Text schreiwe wéilten, Haaptsaach et huet zum Thema gepasst. Si hunn autonom geschafft a sech mat de verschiddenen Facettë vun eisem problematesche Konsumverhalen auserneegesat. Vill Spaass beim Entdecke vun hire Wierker. Mellt Iech w.e.g, wann Dir e Video net opkritt: nora.bohler@education.lu